التسامح

بسم الله الرحمن الرحيم
نرجع تانى للتدوين
واحنا على ابواب ايام مفترجه ان شاء الله
شهر رمضان
بسم الله الرحمن الرحيم (شهر رمضان الذى انزل فيه القرأن هدى للناس وبينات من الهدى والفرقان) صدق الله العظيم
بجد الايام دى محتاجه شغل مننا جامد
واننا نشتغل جامد علشان ان شاء الله نكون من اهل الجنه
موضوع النهارده ان شاء الله
له علاقه برمضان اكيد واننا ناخد حسنات
بنتكلم النهارده عن
التسامح
قال رسول الله صلى الله عليه وسلم (رحم الله امرئ سمحا اذا باع سمحا اذا اشترى سمحا اذا اقتضى ) صدق الرسول الكريم صلى الله عليه وسلم


اشمعنه الرسول صلى الله عليه وسلم خص التلاته دول؟؟؟؟؟؟؟؟؟؟؟؟
هوه انت ممكن تتعامل مع الناس عادى
وتلاقيهم متسامحين معاك
انما اول ما تتعامل معاهم فى الفلوس
اعوذ بالله
تلاقى انسان تانى خالص
سيبكوا من الكلام ده كله بأه
انت جاى تروش دماغنا
عايز تقول ايه؟؟؟؟؟
يا جماعه انا عاوز اقول
ان احنا لازم نتسامح مع بعض
علشان ربنا يرضى عنا
لو برده علشان رمضان جاى
ولازم تبقى متسامح مع الناس علشان تبقى من المعتوقين من النار ان شاء الله
تعالوا بأه نتعلم من النبى صلى الله عليه وسلم
والصحابه كمان عليهم افضل الصلاه والسلام
1- يوم فتح مكه
والرسول بأه راجع منتصر
ويقول الكلام بتاعه
يا معشر قريش ماذا تظنون انى فاعل بكم؟؟؟؟؟؟؟؟
اخ كريم وابن اخ كريم
شوفتواعارفين انه الرسول صلى الله عليه وسلم سمح
راح على طول قايلهم
اذهبوا فانتم الطلقاء
وسابهم وراح يطوف بالبيت
فاذا بفرد اسمه فضاله
يريد قتل النبى صلى الله عليه وسلم
ومشى ورائعه ومعه خنجر
حتى التفت اليه النبى وقال له
بما تحدثك نفسك يا فضاله؟؟؟؟؟؟؟
فقال انى اذكر الله
فقال له الرسول اتقى الله يا فضاله
ورفع النبى يده
ووضعها على صدر فضاله
وظل يمسح يمسح
فيقول فضاله
قبل ان يضع يده على صدرى كان ابغض الناس الى قلبى
وما ان رفعها حتى ثار احب الناس الى قلبى
ياااااااااااااااااااه
شوفتوا اد ايه السماحه بتاع الرسول صلى الله عليه وسلم
شوفتوا؟؟؟؟؟؟؟؟؟؟؟؟؟؟؟؟؟
طب نخش على موقف تانى
بين ابو بكر وعمر رضى الله عنهم
ابو بكر يجيله اتنين من النبى كان بيألف قلوبهم
عايزين حته ارض تبقى ليهم
بس قالهم روحوا فأشهدوا عليها عمر بن الخطاب
فيذهبوا لعمر فيرفض هذا الامر
ويمزق الكتاب ويقول انه لا يشهد على هذا
فيذهبوا لسيدنا ابا بكر
ويقولوا له لا ندرى ايهما الخليفه؟؟؟؟؟؟؟؟؟؟؟ظظ
فيرد ابا بكر ويقول هو ان شاء
جميل اوى الرد ده
شوفتوا تسامح فض مشكله كانت هتبقى كبييييييييييييييييره اوى
طب ناخد كمان موقف
وليه لأ؟؟؟؟؟
يلا
موقف بين الحسين بن على وبين محمد ابن الحنفيه
هما الاتنين اخوات بس محمد من ام تانيه غير فاطمه
حصل بينهم خصام وطال هذا الخصام
فأرسل محمد للحسين هذا الخطاب
فاسمع معايا بأه الخطاب ده
لانه بجد حلو اوى
يقول محمد ابن الحنفيه
يا اخى طال الخصام
وطال البعاد
وانت خير منى
وامك خير من امى
وخيرنا الذى يبدا بالسلام هكذا علمنا الرسول صلى الله عليه وسلم
وانى اخشى ان ابدأك بالسلام فأكون خيرا منك
فاذا وصلك كتابى هذا فأبدأنى بالسلام لانك خير منى
الله على الخطاب ده
بجد الخطاب جمييييييييييييل اوى
وفيه تسامح كبييييييييييييييييييير اوى
يقول الرسول صلى الله عليه وسلم
يأتى المظلم يوم القيامه
ويقول يارب اعطنى مظلمتى من اخى
بيقول الله للظالم اعط لاخاك مظلمته
فيقول له يارب فنيت حسناتى
فيقول الله لقد فنيت حسنات اخيك
فيقول يارب خذ من سيئأتى فأطرحها عليه
فيقول الله تبارك وتعالى
هل لك فى خير من هذا؟؟؟؟
فيوق وما ذاك يارب
فيقول انظر فى الجنه
فيشاهد قصر جمييييييييييييييييييييييييييييييييييييييييل جدا
فيقول لاى نبى هذا؟؟؟؟؟
ففيقول هذا لمن يملك الثمن
فيقول ومين يملك الثمن؟؟؟؟؟؟
يقول انت تملك الثمن
قال كيف يارب؟؟؟؟؟؟
قال بأن تعفوا عن اخيك
قال قد عفوت عنه يا رب
فيقول الله تبارك وتعالى خد بيد اخيك فادخلا الجنه

الله بجد على الموقف كده
شوفتوا اد ايه التسامح
والله الموضوع حلو اوى
وياريت يا جماعه يتنفذ مننا
بجد الموضوع حلو اوى
ويارب يكون فى استفاده مننا للموضوع ده
وشكرا ليكم

الدعاء

شكلى هكتب لوحدى بس مستنى منافسه احمد واسلام ليا


موضوعى النهاردة عن الدعاء

هتكلم بطريقة بسيطة جدا

ممكن اسالك سوال فى الاول

بتقرى قران

اة طبعا

طيب بتسمع قران

اة طبعا


طيب كويس يبقى هتمشى معايا فى الموضوع واحدة واحدة


اكيد قريت او سمعت الاية اللى ربنا سبحانه وتعالى قال

بسم الله الرحمن الرحيم

ويسالونك عن الاهله قل هى مواقيت للناس

وكمان

يسالونك عن المحيض قل هو اذى فاعتزلوا النساء فى المحيض

طيب اكيد سمعت دية

يسالونك عن زى القرنين قل ساتلوا

وكمان الاية

يسالونك ماذا ينفقون قل العفو

طيب اكيد كيد سمعت الاية دية

واذا سالك عبادى عنى فانى قريب اجيب دعوه الداع اذا دعان

طيب مش ملاحظ حاجة

ان فى كل الايات السابقة كان رسول الله صلى الله عليه وسلم وسيط فى التبليغ كان ربنا سبحانه وتعالى بيقول قل يا محمد

الا فى اية واحدة بس

هى اذا سالك عبادى عنى فانى قريب

ركز بقى

اجيب دعوه الداع اذا دعانى

مفيش هنا وسيط

ونحن اقرب اليه من حبل الوريد

لية بنبخل على نفسنا ومش بندعى

ادعى مش هتخسر حاجة وانت واقف فى المترو وانت ماشى فى الشارع

ادعى ليك ولاخواتك وللمسلمين

ولو استفدت ولو جزء بسيط من الموضوع ادعى ان ارض العرب ترجع للعرب


معلش انا مش متخصص فى الكتابة الدينية

يارب اكون قدرت اوصل فكرتى

كل سنه وانتم طيبين

كل سنه وكلنا بخير وامه الاسلام بخير


كل سنه وحضرتكم بخير بمناسبه الاحتفال بليله النصف من شعبان


ليله تحويل القبله الى المسجد الحرام


سبحان الذى اسرى بعبده ليلا من المسجد الحرام الى المسجد الاقصى


وهنا بقى لازم واحنا بنحتفل نفتكر حاجة مهمه


المسجد الاقصى اللى كتير نسيه

او تناسيناه

المسجد الاقصى اولى القبلتين

المسجد الاقصى اللى مثال حى على قوة المسلمين

لو المسجد الاقصى تحت حكم المسلمين اذا نحن فى قوة

واذا كان تحت يد اليهود فنحن فى ضعف

صدقت يا حبيبى يا رسول الله نحن الان كغثاء السيل

ولكن كما اشرت اننا سنعود الى ما كنا عليه سنعيد الاقصى الينا باذن الله

مش عايز اطول فى موضوعى بس اكيد فكرتى وصلت اننا نفتتكر الاقصى واخواتنا


وفى النهاية اللهم بلغنا رمضان ووفقنا الى ما تحبه وترضاه

فريضة حب الرسول صلى الله عليه وسلم

تعد محبة رسولنا ـ صلى الله عليه وسلم ـ فريضة على كل إنسان وهذه المحبة لازمة للإيمان لقوله عليه أفضل الصلاة والسلام "والذى نفسى بيده لا يؤمن أحدكم حتى أكون أحب إليه من ولده ووالده "وإليك أختنا الحبيبة ما ورد فى كتاب "السيرة بلغة الحب والشعر "لفضيلة الشيخ "سعيد حوى"رحمه الله من علماء سوريا جاء فيه:

أخرج البخاري ومسلم والترمذي والنسائي عن أنس بن مالك، رضي الله عنه قال: قال رسول الله ـ صلى الله عليه وسلم ـ: "ثلاث من كن فيه وجد بهن طعم الإيمان: من كان الله ورسوله أحب إليه مما سواهما، ومن أحب عبدا لا يحبه إلا لله، ومن يكره أن يعود في الكفر بعد أن أنقذه الله منه كما يكره أن يلقى في النار"

وأخرج البخاري ومسلم والنسائي أن أنس بن مالك رضي الله عنه قال: سمعت رسول الله ـ صلى الله عليه وسلم ـ يقول: "لا يؤمن أحدكم حتى أكون أحب إليه من والده، وولده، والناس أجمعين".

وللنسائي في رواية: "حتى أكون أحب إليه من ماله وأهله والناس أجمعين"، وأخرج البخاري والنسائي عن أبي هريرة رضي الله عنه قال: قال رسول الله ـ صلى الله عليه وسلم ـ: "والذي نفسي بيده لا يؤمن أحدكم حتى أكون أحب إليه من ولده ووالده".

وقال تعالى: (قل إن كان آباؤكم وأبناؤكم وإخوانكم وأزواجكم وعشيرتكم وأموال اقترفتموها وتجارة تخشون كسادها ومساكن ترضونها أحب إليكم من الله ورسوله وجهاد في سبيله فتربصوا حتى يأتي الله بأمره والله لا يهدي القوم الفاسقين) لاحظ قوله تعالى: (أحب إليكم من الله ورسوله).

وأخرج الترمذي من حديث ابن عباس عن رسول الله ـ صلى الله عليه وسلم ـ قال: "أحبوا الله لما يغذوكم من نعمه، وأحبوني لحب الله إياي" أخرجه الترمذي وقال: حديث حسن غريب.

وفي الصحيح من حديث عبد الله بن هشام، قال عمر: يا رسول الله! لأنت أحب إلى من كل شيء إلا نفسي، فقال: "لا.. والذي نفسي بيده حتى أكون أحب إليك من نفسك، فقال عمر: فأنت الآن والله أحب إلى من نفسي، فقال: الآن يا عمر".

من هذا الحديث ندرك أن الإنسان إذا آنس من نفسه ضعف محبة، أو آنس غلبة محبة شيء آخر على حب رسول الله ـ صلى الله عليه وسلم ـ فعليه أن يداوي نفسه، وإذا كان هذا واجب كل مسلم، فإن واجب العلماء والدعاة والمربين أن يفطنوا إلى هذا الأمر، وأن يعرفوا كيف يربونه ويوجدونه، وأن يوجدوا الأجواء التي تساعد عليه، والمهم أن نعرف أن على كل مسلم أن يبذل جهدا لتحقيق هذه الفريضة، وأن على الدعاة والمربين والعلماء أن يضعوا هذا نصب أعينهم، لتبقى شعلة الحب في القلب متقدة، فالإيمان تصديق يستتبع أشياء كثيرة بعضها الحب.

من هذه النصوص ندرك أن محبة رسول الله ـ صلى الله عليه وسلم ـ فريضة، وأن هذه المحبة ليست محبة عقلية فحسب بل هي محبة عاطفية، فالإنسان يحب ابنه وأهله ووالده ونفسه، ليس مجرد حب عقلي بل هناك شيء وراء ذلك، والمسلم مطالب بأن يحب رسول الله ـ صلى الله عليه وسلم ـ أكثر من ماله وولده وأهله وعشيرته ومسكنه وتجارته ونفسه، وتلك فريضة من فرائض الله على الإنسان.

الحب

بسم الله الرحمن الرحيم

طبعا اكيد الناس مستغربه من عنوان الموضوع
ايه يا عم اللى انت بتقوله ده؟؟؟
حب ايه اللى انت جاى تقول عليه؟؟؟؟؟
ههههههههههههههههههه
لا والله احنا بنتكلم عن موضوع تانى خالص
حب من نوع تانى
حب الله والرسول
طيب هنبدأ بمين
هنبدأ بالاعظم طبعا
حب الله
انت بتحب ربنا اد ايه؟؟؟؟؟
هه
فيه اغلى من ربنا عندك
ولا ربنا اغلى؟؟؟؟؟
هه
ماترد عليا
مين الاغلى؟؟؟؟؟؟
طبعا كل الناس بتقول انا بحب ربنا
كله طبعا
تيجى تقول لحد بتحب ربنا؟؟؟؟
يقولك طبعاااااااااااااااااااااااااااااااااااااااا
طب اسمع قول ربنا تبارك وتعالى كده
بسم الله الرحمن الرحيم(قل إن اباؤكم وابناؤكم واخوانكم وازواجكم وعشيرتكم واموال اقترفتموها وتجاره تخشون كسادها ومساكن ترضونها أحب اليكم من الله ورسوله وجهاد فى سبيله فتربصوا حتى يأتى الله بأمره والله لا يهدى القوم الفاسقين)صدق اللع العظيم
شايف؟؟؟؟؟؟
لو بتحب اى حاجه من دول اكتر من ربنا
فتربصوا
ياااااااااااااااااااااااااااااااااااااااه
للدرجه دى
هه
انت دلوقتى بتحب ربنا؟؟؟؟؟؟؟
ولا دول اكتر؟؟؟؟؟؟
انت اكيد تعرف دلوقتى؟؟؟؟؟
هه
بتحبه ولا لأ؟
طب هقولك حاجه تانيه
بسم الله الرحمن الرحيم(ومن الناس من يتخذ من دون الله اندادا يحبونهم كحب الله والذين امنوا اشد حبا لله) صدق الله العظيم
يااااااااااااااااااااااااااااه
شوفتوا
يعنى ممكن تحب حد اكتر من ربنا
تحب البنت دى اكبر من ربنا؟؟؟؟؟؟؟؟!!!!!!!!!!
تحب صاحبك اكتر من ربنا؟؟؟؟؟!!!!!!!!!
بجد
انت بتتكلم بجد؟؟؟؟؟؟؟
انت بتحب دول اكتر من ربنا
يا قساوه قلبك يا اخى
للدرجه دى انت وحششششششششششش
طب واسمع دى كمان
يقول احد العلماء( انه يمر بقلبى اوقات اقول لو ان اهل الجنه فى مثل ما انا فيه الان يكفيهم هذا وزياده)
ماشاء الله
ماشاء الله
ايه الجمال ده!!!!!!!!!!!!!
طب واسمع قول احدهم يقول(ان فى ارض جنه من لم يدخلها لم يدخل جنه الاخره الا وهى حب الله عز وجل)
شوفت
لو محبتش ربنا مش هتخش الجنه
شوفت المعادله دى
هه
صعبه؟؟؟؟؟؟؟؟؟
هتحب ربنا ولا لأ؟؟؟؟؟
طب اسمع كده دعاء من ادعيه النبى صلى الله عليه وسلم
(اللهم انى اسألك الشوق الى لقائك ولذه النظر الى وجهك الكريم)
الله جميله اوى دى
حلو اوى
طب ما نيجى نحفظه
ونقوله
هه
حفظته
طب يلا ننقل على التانى
(اللهم انى اسألك حبك وحب من احبك وحب عمل يقربنى لحبك اللهم ما رزقتنى مما احب فاجعله قوه لى فى ما تحب اللهم ما زويت عنى مما احب فاجعله فراغا لى فى ما تحب)
ماشاء الله
صلى الله وسلم عليك يا سيدى يا رسول الله
اللهم صلى وسلم عليك يا رسول الله
شوفتوا الكلام الحلو؟؟؟
هه
حفظناه ده كمان
طب معانا ماشاء الله دعائين حلوين اوى
هه
خلاص
كده هنبتدى اهه
من الاول
حب الله
معنى حلو اوى
طب انا هقولك ايه فى القرأن قولى رأيك فيها كده
بسم الله الرحمن الرحيم(قل اللهم مالك الملك تؤتى الملك من تشاء وتنزع الملك ممن تشاء وتعز من تشاء وتذل من يشاء بيدك الخير انك على كل شئ قدير تولج الليل فى النهار وتولج النهار فى الليل وتخرج الحى من الميت وتخرج الميت من الحى وترزق من تشاء بغير حساب)صدق الله العظيم
طيب بالله عندك يا شيخ
بعد كل ده
مش بتحبه؟؟؟؟؟
خاااااااااااااااااااااالص
ده انت قلبك بعيد اوى كده
لا قرب
قرب وقرب وقرب
عايزينك تحب ربنا
وتحبه اكتر واكتر
لحد ما يبقى اغلى حاجه عندك فى الدنيا دى كلها
طب اسمع الايه دى
بسم الله الرحمن الرحيم(قل ان كنتم تحبون الله فاتبعونى يحببكم الله)صدق الله العيظبم
الايه دى جميله اوى
ومعناها جميل اوى اوى
طب دلوقتى؟؟؟؟
هه
بدأت تقتنع
ايون كده
هوه ده الكلام
طب خد دى
بسم الله الرحمن الرحيم(قل بفضل الله وبرحمته فبذلك فليفرحوا هو خير مما يجمعون)صدق الله العظيم
فل بفضل الله
شوفت
فضل ربنا عليك كبير ازاى؟؟؟؟؟؟؟؟
طب سأل احد العراقيين عن صفات الذى يحب الله فقال(عبد ذاهب عن نفسه متصل بربه ان تكلم فعن الله وان سكت فمع الله وان نطق فلله فهو بالله ولله ومع الله)
الله الله الله
معنى جمييييييييييييييييل اوى
معنى جميل جدا والله
شوفت ازاى ذاهب عن نفسه متصل بربه
جميله جدا دى
طب نسمع شعر تعالى
فليتك تحلو الحياه مريره وليتك ترضى والانام غضاب
وليت الذى بينى وبينك عامر وبينى وبين الناس خراب
اذا صح منك الود فالكل هين وكل الذى فوق التراب تراب
الله
جميله جداااااااااااااااااااااااااااااا
بجد
ده كان حاسس اوى
طب نحب ربنا ازاى؟؟؟؟؟؟؟؟؟
انا برده لسه مش فاهم
طيب خد مثلا
اذكر ربنا كتير واستغفر ربنا
احنا لسه متكلمين عليها المره اللى فاتت
سهله دى اظن يعنى
حب الناس اللى بيحبوه
هيفكروك بيه اكيد
وكمان نفسك تقابله
ياااااه
معنى حلو جدا
انت نفسك تقابله؟؟؟؟؟؟؟؟؟؟
ولا عايش وخلاص؟؟؟؟؟؟؟؟
ولا ايه ولا ايه؟؟؟؟؟؟؟؟؟؟؟
طب قوم وصلى ركعتين باليل
صعبه دى
بس معلش حاول
والتوبه كمان
وهنشوفها فى حلقات تانيه
وحب الرسول كمان
حاجات كتيييييييييييييييير يا جماعه
الموضوع ده مهم اوى يا جماعه
من غيره منعرفش نرجع لربنا خالص
خاااااااااااااااااااااالص
بجد يا جماعه الموضوع ده مهم
ياريت كلنا ناخده باهتمام
ونتعامل معاه بالطريقه اللى اللى تليق برب العالمين
ده كان موضوع النهارده
وان شاء الله المواضيع جايه كتير
ويارب يكون الموضوع عجبكوا
ومستنى ردودكم ان شاء الله وتفاعلكم مع الموضوع
أخوكم
أحمد

بسم الله الرحمن الرحيم
كنا قلنا قبل كده ان احنا هنتناول مواضيع كتيره من اجل الرجوع اللى الله والتوبه توبه نصوحا علشان ربنا يغفر لنا ذنوبنا
وهنبدأ بأول المواضيع النهارده
هنتكلم عن موضوع حلو اوى
الاستغفاروذكر الله
الموضوع ده سهل اوى اوى اوى
اسهل حاجه ان انت وانت قاعد لوحدك كده تقعد تستغفر ربنا
استغفر الله استغفر الله استغفر الله
فيها ايه دى؟
سهله اوى
والله ما فيها حاجه
سهل اوى بعد ما تخلص صلاه او وانت فاضى تقولها
مش هنتكتر عليك
قولها يا اخى او يا اختى 10 مرات
كفايه اوى
والله عايز يكتر يكتر
بجد اجرها حلوه اوى
تخيل ان انت كل ما تقول واحده منهم
بس من قلبك
بيسقط ذنب من ذنوبك
يااااااااااااااااااااااااااااه
حلوه اوى الموضوع ده
يعنى اقولها 10 مرات يتشال من عندى 10 ذنوب!!!!!!!!!!
ماشاء الله
دى عباده حلوه خالص
واللى اسهل منها كمان ذكر الله
اقعد اذكر ربنا كده وانت فاضى
بعد كل صلاه
اذكر ربنا
مفيهاش حاجه دى
طب اقولك حاجه
قال الرسول الكريم صلى الله عليه وسلم(مثل الذى يذكر الله عز وجل والذى لا يذكره كمثل الحى والميت)صدق رسولنا الكريم صلى الله عليه وسلم
ياااااااااااااااااااااااه
شوفتوا التشبيه
اللى بيذكر ربنا حى
واللى مش بيذكر ربنا ميت
ميت!!!!!!!!!!!
طب اسمع بأه دى
يقول الله عز وجل فى حديثه القدسى(انا عند ظن عبدى بى وانا معاه اذا ذكرنى فإن ذكرنى فى نفسه ذكرته فى نفسه وإن ذكرنى فى ملأ ذكرته فى ملأ خيرمنه)
الله دى جميله اوى دى
حميله اوى اوى
تخيل
ربنا بيذكرك
لا وايه كمان
لو فى ملأ هيذكرك فى ملأ خير منه
والله كفايه دى عليك
جميله اوى دى
طيب اسمع دى
سأل الرسول صلى الله عليه وسلم( أى العمل أفضل؟؟؟؟؟؟
قال ان تموت ولسانك رطبا بذكر الله) صدق الرسول الكريم صلى الله عليه وسلم
طب اسمع عن رسولنا الكريم
قالت السيده عائشه كان رسول الله يذكر الله فى كل احواله
ماشاء الله
واحنا فين من كده طيب؟
بقالنا كام يوم ماذكرناش ربنا
فى ناس هنقولها بقالكوا كام شهر
وفى ناس كام سنه
ما ينفعش كده يا جماعه
طب اسمع دى عن فضل الاستغفار والذكر
قال الرسول صلى الله عليه وسلم
(من لزم الاستغفار جعل الله له من كل ضيق مخرجا ومن كل هم فرجا ورزقه من حيث لا يحتسب)
صدق الرسول الكريم صلى الله عليه وسلم
الله
حلوه اوى دى
ولسه برده مش عايز تستغفر؟؟؟؟؟؟؟؟؟؟
طب اسمع النص القرأنى
بسم الله الرحمن الرحيم ( وقلت استغفروا ربكم انه كان غفارا يرسل السماء عليكم مدرارا ويمددكم بأموال وبنين ويجعل لكم جنات ويجعل لكم انهارا مالكم لا ترجون لله وقارا)صدق الله العظيم
طب ودى كمان
لو قلت سبحان الله مئه مره تحط عنك 1000 سيئه او تاخد 1000 حسنه
ماشاء الله
جميله اوى
اذكر ربنا واستغفر
مش هتخسر حاجه
والله مس هتخسر حاجه
طب شوف الحديث ده
قال رسول الله صلى الله عليه وسلم(كلمتان خفيفتان على اللسان ثقيلتان فى الميزان حبيبتنا الى الرحمن سبحان الله وبحمده)صدق رسول الله صلى الله عليه وسلم
ودى كمان
قال رسول الله صلى الله عليه وسلم (من قال سبحان الله وبحمده فى يوم مئه مره غفرت ذنوبه وان كانت مثل زبد البحر)
وفى روايه اخرى (غرست له نخله فى الجنه) صدق رسولنا الكريم صلى الله عليه وسلم
ماشاء الله
فعلا والله احنا فى حاجات كتير اوى غايبه عننا
كتيييييييييييييير كمان
طب انت عايز مننا ايه دلوقتى؟؟؟؟؟؟
انا كل اللى عايزه
يا جماعه
نعين بعض
نساعد بعض
كلنا النهارده ان شاء الله نستغفر ونذكر الله
واكتر واكتر
والكسبان هوه اللى هيستغفر اكتر ويذكر الله اكتر
ونستمر على كده ايام وايم
علشان ان شاء الله كلنا نبقى فى الجنه
ان شاء الله
ياريت يا جماعه الامور دى ناخدها
لان الامور اللى فاكرنها صغيره دى
ميزانها كبييييييييييير اوى عند ربنا
دى كانت اول حلقه من حلقات العوده الى الرحمن
وان شاء الله نكمل الحلقات تباعا
ياريت يا جماعه الناس تشارك بأرائها
وتسمعنى رأيها
لان ده ان شاء الله هيدينى دفعه ان شاء الله نكمل ونحسن
يارب الموضوع يعجبكوا
شكرا ليكم
أخوكم
أحمد

بسم الله الرحمن الرحيم

والصلاه والسلام على أشرف المرسلين سيدنا محمد عليه افضل الصلاه وازكى التسليم
احب اقول الاول الحمد لله ان انا ربنا هدانى وعملت المدونه الحلوه ده وده كله لهدف واحد
ازاى نرجع لربنا؟؟؟؟؟؟؟؟؟؟؟؟؟؟
ازاى نسيب الذنوب ونرجع تانى من غير ذنوب؟؟؟؟؟؟؟؟؟؟؟؟؟؟؟؟؟؟
طبعا كلنا ذنوب وكلنا بنغلط
بس الشاطر اللى يعرف يرجع لربنا تانى
ويعرف يكفر عن ذنوبه دى
المدونه دى ان شاء الله هنتناول فيها كل حاجه
التوبه والاستغفار والخشوع والذل لله وكل حاجه هتؤدى ان شاء الله ان احنا نكون اقرب واحسن مع ربنا
ويارب يكون الاول موضوع المدونه عجبكوا
وياريت كلكم تشاركونى بأرائكم
اخوكم
احمد